Ndryshimi i gjysmës së kabinetit qeveritar nga Rama javën e fundit të vitit 2019-të është pasuar nga reagim të shumta që vazhdojnë edhe sot.
Një ndër ministret e shkarkuara ishte edhe ajo e Kulturës, Mirela Kumbaro, e cila gjatë kohës kur dëgjoi emrin e saj nga Rama mezi mbajti lotët.
Por, shkarkimin e saj, gazetari Bejdo Malo e quan një veprim të gabuar nga Rama.
Sipas Malos, Kumbaro nuk e priste kurrë shkarkimin kjo ndoshta edhe për shkak të njohjes së vjetër që ajo ka pasur me Ramën, madje dikur Kumbaro i kishte hapur atij dyert e shtëpisë për dy vite me radhë në Paris.
Malo u shpreh në emisionin e Zhejit:
“Ajo e ka mbajtur dy vjet në shtëpinë e saj zotin Rama dhe nuk e priste kurrë nga Rama që t’i bënte këtë padrejtësi. Kjo është e vërtetuar. Në Paris. Mirela ka qenë me një program që e mbulonte edhe shtëpinë. I shoqi ka qenë në BBC. Mirela ka babanë nga Libohova dhe nënën nga Vunoi. E ka kushërirë.”
Kujtojmë që në vend të Kumbaros është vënë Elva Margariti dhe ministrja e re është një nga përkrahëset më të mëdha për shembjen e godinës së Teatrit Kombëtar në Tiranë.
