Një aksident i rëndë ka ndodhur ditën e sotme në Bellunese në Itali. Si pasojë ka mbetur i vdekur një 25-vjeçar shqiptar i quajtur, Endri Zaimi. Makina e tij Volvo është përplasur me një kamion në Ponte nelle Alpi. Kamionisti ishte duke u kthyer nga puna, ndërkohë 25-vjeçari shqiptar ka qenë në makinë me familjen e tij, gruan dhe dy fëmijët. Zjarrfikësit kanë mundur t’i nxjerrin të aksidentuarit duke prerë pjesë nga makina e shkatërruar , por 25-vjeçari kishte vdekur në vend.
Ndërsa, gruaja dhe fëmijët e 25-vjeçarit janë transportuar menjëherë në spital. Ndërkohë, kamionisti nuk është lënduar nga aksidenti. Autoritetet italiane po mundohen të rikrijojnë dinamikën e aksidentit dhe po hetojnë për shkaqet.
