Kryeministri Edi Rama deklaroi sot në mbledhjen e dytë të Komitetit Kombëtar të Rindërtimit se në Tiranë është mbyllur pjesa e akomodimit të familjeve që kanë mbetur pa strehë si pasojë e dëmtimit të banesave nga tërmeti i 26 nëntorit, ndërsa problematike ende mbetet situata në Durrës.
“666 familje janë aprovuar si përfituese të fondit të qirasë në Durrës. Problemi në Durrës qëndron i hapur, për shkak të mungesës së apartamenteve në dispozicion për të marrë me qira për këto familje. Kështu që po punojmë për një zgjidhje, jo dhe aq optimale për ta, një zgjidhje jashtë Durrësit. Po shikojmë për mundësinë e akomodimit në periferitë perëndimore të Tiranës. Se faktikisht, nuk ka apartamente. Nuk ka. Nuk i plotësojmë dot këto nevoja”, – tha Kryeministri.
Ndërkohë, shtoi Kreu i Qeverisë, “që në Tiranë kjo është mbyllur për 1120 familje. 922 janë të akomoduara. Pjesa tjetër janë në akomodim e sipër”.
