Një aksident i rëndë ka ndodhur pasditen e sotme në Vlorë. Sipas informacionit të policisë, mësohet se një femër ka ndërruar jetë.Ndërkohë, një tjetër femër është plagosur dhe është dërguar në spitalin e Vlorës.
Vlorë, Rreth orës 17:20, në rrethrrotullimin në hyrje të autostradës “100 Vjetori” Vlorë, dyshohet se si pasojë e humbjes së kontrollit dhe shpejtësisë së lartë, ka dalë nga rruga dhe është përmbysur automjeti tip Ford. Si pasojë e aksidentit janë dëmtuar dy shtetase femra, ku njëra ka humbur jetën në vend ndërsa tjetra është transportuar për ndihmë mjekësore në Spitalin e Vlorës, jashtë rrezikut për jetën.
Grupi hetimor ndodhet në vendngjarje duke kryer veprimet e mëtejshme hetimore. Viktima – G. M., 25 vjeçe, banuese në Vlorë, drejtuese. E dëmtuara – S. K., 38 vjeçe, banuese në Vlorë, pasagjere.
