Një aksident i rëndë ka ndodhur në rrugën e Arbrit në aksin Bulqiz- Shupenz, saktësisht në zonën e quajtur, Fushë Bulqizë.
Një automjet tip “Audi” ka dalë nga rruga, e për pasojë është lënduar rëndë drejtuesi i mjetit.
Shoferi, Ramadan Meta, 25-vjeç ndodhet në gjendje të rëndë në spitalin e Bulqizës, teksa pritet helikopteri për ta transferuar në Tiranë.
Njoftimi i policisë:
Bulqizë/Informacion paraprak
Rreth orës 16:10 në aksin rrugor Fushë Bulqizë-Shupenzë, shtetasi R.M., duke drejtuar automjetin tip “Audi”, ka humbur kontrollin mbi drejtimin e mjetit dhe mjeti ka dalë nga rruga.
Si pasojë ka mbetur i lënduar drejtuesi i mjetit i cili është dërguar për ndihmë mjekësore në spital.
Në vendngjarje ndodhet grupi hetimor, i cili po punon zbardhjen e rrethanave të aksidentit.
