Aksident në rrugën e Spitalit Rajonal të Vlorës. Këmbësori goditet nga një drejtues motoçiklete i cili punon në shërbimet e fast foodit në qytetin e Vlorës.
Aksidenti ka ndodhur pranë Spitalit Rajonal të Vlorës teksa i dëmtuar ka mbetur këmbësori i cili në ato momente po kalonte rrugën. I plagosuri është i moshuar rreth moshës 60 vjeç, por ende nuk bëhet i ditur identiteti i tij. Drejtuesi i motorit s’ka mundur të frenoi në kohë për të evituar përplasjen. Për këtë ka ndikuar edhe shpejtësia jashtë normave të motorrit në ato momente.
I plagosuri është transportuar në Spitalin Rajonal të Vlorës në gjendje të rëndë, Kodi i kuq, teksa është futur menjëherë në sallën e operacionit pasi rrezikon jetën.