Një aksident ka ndodhur ditën e sotme në Pukë, ku për pasojë ka humbur jetën një person. Bëhet me dije se një makinë ka dalë nga rruga, duke i shkaktuar vdekjen 61-vjeçarit Mark Ndoi, i cili ishte me detyrë drejtor i Inspektoriatit të Mbrojtjes së Pyejeve. Ndërkohë që dy persona të tjerë kanë mbetur të plagosur dhe janë nisur me helikopter drejt Tiranës për mjekim më të specializuar.
Mësohet se automjeti ka dalë nga rruga, të plagosurit janë punonjës të IKMT-së Shkodër dhe kanë qenë në atë zonë për inspektim. Të plagosurit janë punonjës të pyjores të cilët janë transportuar me helikopter në Spitalin e Traumes në Tiranë, pasi autoambulanca nuk mund të shkonte deri në vendngjarje për shkak të terrenit të thyer malor.
