Vetëm disa minuta pas aksidentit të ndodhur në autostradën Tiranë-Vorë, ku humbi jetën një person ndërsa drejtuesi i mjetit me të cilin udhëtonin është në gjendje të rëndë, Policia ka dhënë detajet e para për ngjarjen.
Sipas Policisë, në aksident është përfshirë një furgon mallrash ndaj të cilit drejtuesi ka humbur kontrollin duke u përplasur me borduren e rrugës.
Ndërkohë, po sipas bluve, drejtuesi i mjetit është shtetasi me inicialet A.K., 28-vjeç ndërsa pasagjerja e cila edhe ka ndërruar jetë, nuk është identifikuar dot për shkak të plagëve të marra.
Drejtuesi i mjetit ndodhet në spital nën kujdesin mjeksor në gjëndje kritike për jetën.
Njoftimi i Policisë:
Në rrugën dytesore Vorë-Tiranë një furgon që shërbente për transport mallrash me drejtues shtetasin A.K.,rreth 28 vjeç ka humbur kontrollin dhe ka dalë nga rruga duke u përplasur me bordurën e rrugës.
Si pasojë e përplasjes ka ndërruar jetë pasagjerja e mjetit e cila prej dëmtimeve të rënda të shkaktuara nuk është identifikuar, ndërsa drejtuesi i mjetit ndodhet në SQU nën kujdesin mjeksor në gjëndje kritike për jetën.
Grupi hetimor vijon punën për zbardhjen e rrethanave dhe shkakut të aksidentit.
