Edison Lazri, 28 vjeçari nga fshati Bllatë I Dibrës, është arrestuar për aksidentin tragjik në urën e fshatit Gjoricë ku humbën jetën 3 pjesëtarë të një familjeje dhe 4 të tjerë u plagosën. Edison Lazri është drejtuesi i benzit të bardhë që nga pamjet duket se është ndarë në dysh, shenjë që përplasja ka qenë e fuqishme.
Aksidenti ndodhi rreth orës 18.15, të 4 janarit në aksin rrugor Bulqizë-Maqellarë. Edison Lazri duke drejtuar automjetin tip ‘Benz’, është përplasur me një automjet tjetër tip ‘Benz’, që drejtohej nga shtetasi Kujtim Istrefi, 55 vjeç, banues në Maqellarë I cili ështënjë ndër viktimat e aksidentit tragjik.
Si pasojë e aksidentit veç Kujtimit humbën jetën dhe dy pasagjerët Murat Istrefi dhe Lulëzime Istrefi. Po si pasojë e këtij aksidenti mbetën të lënduar shtetaset Firuze Istrefi 55 vjeç, Kadrie Markeçi 18 vjeçe, Mërgim Lazri 24 vjeç dhe vetë Edison Lazri.
Ata po marrin ndihmë mjekësore në spital.Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme. Në njoftimin për shtyp nuk saktësohet akuza e ngritur ndaj 28 vjeçarit.
