Dy makina janë aksidentuar në orët e para të mëngjesit të sotëm në aksin Lezhë- Milot. Informacionet e para kanë treguar se makinat janë shkatërruar totalisht në pjesën e përparme e për pasojë të shpejtësisë, njëra ka dalë nga rruga, tjetra është përmbysur.
Fatmirësisht nuk ka viktima dhe gjendja e personave në makinë është e mirë, jashtë rrezikut për jetën. Policia ka treguar se aksidenti ka ndodhur pranë kryqëzimit të Spitenit, ndërsa policia po heton për zbardhjen e aksidentit.
Njoftimi i policisë:
Rreth orës 23:30, të mbrëmjes së kaluar, janë përfshirë në aksident rrugor mjeti tip “Volkswagen ” me drejtuese shtetasen E.R., 23 vjeçe, banuese në Mirditë dhe mjeti tip “Benz ” me drejtues shtetasin M.L.,43 vjeç, banues në Lezhë. Si pasojë e përplasjes kanë marrë dëmtime drejtuesja e mjetit dhe shtetasja A.M.,20 vjeçe, pasagjere në mjet, të cilat janë dërguar në spital dhe ndodhen jashtë rrezikut për jetën. Grupi hetimor punon për sqarimin e plotë të shkakut dhe rrethanave të ngjarjes.
