Policia e Lezhës dhe Mirditës, ka bërë të mundur arrestimin e 2 personave, të akuzuar për ndezjen e disa vatrave zjarri pikërisht në këto zona.
Policia ka njoftuar se ka vënë në pranga një 66-vjeçar, Preng Luçia pasi është konstatuar se ka ndezur zjarr në oborrin e tij, që për pasojë, flakët kanë dalë jashtë kontrollit dhe kanë djegur një sipërfaqe të madhe me pyje dhe disa banesa të braktisura në fshatin Gjakëz.
Ka rënë në pranga një 52-vjeçar, Petrit Leka, i cili ndezi fillimisht disa mbeturina, që për pasojë flakët shkuan më tej, duke djegur hapësira të mëdha me barishte dhe kullota. Ndërkoha ka nisur hetimi për 70-vjeçaren nga Lezha, e cila ka ndezur zjarr në kanalin kullues, që për pasojë ka djegur një sipërfaqe të madhe me bimësi në fshatin Balldre.
