Policia e Elbasanit ka arrestuar në flagrancë drejtuesen e automjetit e cila aksidentoi me pasoja të rënda për jetën efektivin e policisë rrugore në tunelin e Kërrrabës.
Në pranga ka përfunduar shtetasja me inicialet S.V., 51-vjeçe. Rreth orës 19:15 ajo duke drejtuar me shpejtësi të lartë automjetin tip Lancia përplasi efektivin e policisë rrugore të Elbasanit i cili kishte shkuar për të trajtuar një aksident të ndodhur më parë, daljen e një automjeti nga rruga, në këtë aks.
Grupi hetimor po punon për zbardhjen e plotë të rrethanave të aksidentit.
NJOFTIMI I POLICISË
Aksidentoi me pasoja të rënda për jetën punonjësin e Policisë Rrugore, i cili ishte në krye të detyrës, arrestohet në flagrancë drejtuesja e automjetit.
Më datë 27.09.2022, rreth orës 19:15, në aksin rrugor Elbasan-Tiranë, në fshatin Gracen, automjeti tip “Lancia”, me drejtuese shtetasen S. V., 51 vjeçe, banuese në Tiranë, ka përplasur punonjësin e Policisë të qarkullimit rrugor të DVP Elbasan, shtetasin F. B., 53 vjeç, i cili është transportuar në spital dhe ndodhet në gjendje të rëndë për jetën.
Punonjësi i Policisë ishte në krye të detyrës, pasi kishte shkuar për të trajtuar një aksident të ndodhur më parë, daljen e një automjeti nga rruga, në këtë aks.
Drejtuesja e automjetit, shtetasja S. V., është arrestuar në flagrancë.
Grupi hetimor po punon për zbardhjen e plotë të rrethanave të aksidentit.
