Trupat inspektuese të Autoritetit Kombëtar të Ushqimit kanë vijuar edhe gjatë ditës së sotme inspektimet dhe monitorimet në terren, duke këshilluar dhe orientuar bizneset ushqimore për disponim të plotë të dokumentacionit dhe kushteve të sigurisë ushqimore.
Gjatë monitorimeve në kuadër të Taskforcës kundër përhapjes së COVID-19 vërehet se nga bizneset në masë të madhe respektohen protokollet e sigurisë, përdorim i maskave dhe dorezave, dezinfektantëve, xhamave mbrojtës apo edhe mbajtja e distancës fizike.
Gjithashtu gjatë inspektimeve janë asgjësuar 12.222 tonë produkte ushqimore me kërkesë të subjektit, si dhe janë marrë 21 mostra për analizim. AKU do të vazhdojë të jetë e pranishme në terren në garantim të sigurisë ushqimore si dhe mbrojtjes të shëndetit të konsumatorëve.
