Alarm për tritol mesditën e sotme në Vlorë, në lagjen “Kushtrimi” pranë Paraburgimit. Rreth orës 12.30 komisariati i Vlorës u lajmërua për një pako të dyshimtë e gjetur në pjesën e pasme të një automjeti. Menjëherë është rrethuar zona dhe janë bërë verifikimet përkatëse. Nga verifikimi i policisë, në makinën tip BMW X3 në pronësi të një shtetasje nga Vlora është gjetur një pako e dyshuar si lëndë eksplozive.
Burime nga specialistët thonë se pakua me lëndë plasëse nuk ka qenë aktive. Po nga specialiste makina është lëvizur për tu vendosur pranë ambienteve të komisariatit. Nga policia bëhet me dije se po priten xhenierët për lëvizjen e pakos. Paraprakisht pako nuk është me telekomandë.
Makina në kohën e vendosjes së eksplozivit ka qenë e parkuar në rrugën hyrëse të qytetit, pranë ambienteve të paraburgimit. Nga policia është duke u punuar mbi gjetjen e personave që kanë vendosur lëndën plasëse. Janë sekuestruar pamjet filmike dhe është marr dëshmia e drejtueses së automjetit. Ende asnjë informacion zyrtar nga policia. Faxweb.al
