Kryeministri i Kosovës Albin Kurti ka emëruar sot dy zëvendësministra nga komuniteti serb në dy ministri.
Nenad Stanojeviç u emërua zëvendësministër për Ekonomi, si dhe Lazar Raduloviç u emërua zëvendësministër për Bujqësi, Pylltari dhe Zhvillim Rural në Qeverinë e Republikës së Kosovës.
Në takim ishin të pranishëm edhe ministrja e Ekonomisë, Artane Rizvanolli, ministri i Bujqësisë, Pylltarisë dhe Zhvillimit Rural, Faton Peci si dhe ministri për Komunitete dhe Kthim, Nenad Rashiç.
Kurti i uroi ata për detyrën dhe përgjegjësitë e reja institucionale në Republikën e Kosovës.
