Kryetarja e Aleancës Kuq e Zi, Lumturi Ratkoceri, ka njoftuar dorëheqjen nga pozicioni i kryetares në këtë forcë politike. Përmes një njoftimi publik në facebook, Ratkoceri, falenderon të gjithë përkrahësit dhe bashkëpunëtorët e saj gjatë 4 viteve drejtim në krye të Aleancës. Gjithashtu ajo shprehet e bindur se  njerëzit e ndershëm dhe të pakorruptuar do të sjellin ndryshimin në vend.

Njoftimi i plotë i Lumturi Ratkoceri: Te nderuar simpatizante, antarë dhe antare te Aleances Kuq e Zi,

Pas kater vitesh ne krye te AK, kam vendosur te dorehiqem nga drejtimi i saj. Ju shpreh falenderimet dhe mirenjohjen time te thelle,  per ndihmen , kontributin dhe sakrificat tuaja te panumerta ne luften per ndryshimin e sistemit, dhe kthimin e Shqiperise ne nje shtet ligjor te se drejtes. Duke u larguar nga drejtimi i AK, shpreh bindjen time te thelle, qe njerezit e ndershem, atdhedashes dhe te pakorruptuar, do te sjellin ndryshimin !

Me respekt

Lumturi Ratkoceri