Alvin Berisha, 11-vjeçari shqiptar i shpëtuar pak ditë më parë nga kampi Al Hol i Sirisë është marrë në pyetje mëngjesin e sotëm nga autoritetet italiane në prani të një psikologu. Sipas mediave italiane 11-vjeçari është pyetur rreth jetës së tij 5 vjeçare në Siri, ku ka paraqitur një tronditje emocionale për shkak të traumave që ka kaluar në kamp.
Alvin është ende në gjendje shoku e ka folur pak duke rrëfyer se nëna e tij ka vdekur gjatë një bombardimi e ai ishte pranë tij. Autoritetet italiane për shkak të gjendjes së vogëlushit shqiptar kanë vendosur të mos e sforcojnë me pyetje por ta rimarrin përsëri pak javë më vonë.
11-vjeçari do t’i nënshtrohet një operacioni për dëmtimin që ka marrë në këmbë, gjatë bombardimit në kamp ku vdiq nëna e tij, Valbona Berisha.
