Amantia, historia e një qyteti antik që flet përmes gurëve

Daton në shekullin e IV para erës sonë dhe është një nga destinacionet turistike më magjepsëse në vendin tonë. Parku arkeologjik i Amantias ndodhet vetëm 30 minuta larg qytetit të Vlorës. I pozicionuar në lartësinë 613 metra mbi nivelin e detit, aty ku sot është fshati Ploç. Përveç bukurisë natyrore dhe pozicionit strategjik, ky qytet na sjell një tempull, stadium dhe mure fortifikues.Kriledjan Çipa, përgjegjësi i sektorit të parqeve arkeologjike, tregon për emisionin ‘Jo Vetëm Modë’ më shumë detaje rreth këtij qyteti antik.“Banorët e Amantias kanë zgjedhur një kodër rreth 613 metra mbi nivelin e detit, një pozicion dominues mbi luginën e Shushicës dhe të Vjosës. Është një qytet që zhvillohet në pjesën lart të kodrës dhe më vonë ndërtesat publike ndërtohen dhe në kodrat përreth qytetit antik”. Nga gërmimet është zbuluar edhe stadiumi i Amantias, për të cilin Kriledjan Çipa thotë se aty zhvilloheshin lojëra të ndryshme.