Ambasada shqiptare në Greqi ka publikuar disa foto nga radhët në selinë diplomatike në Athinë, ndërsa kërkon mirëkuptimin e emigrantëve shqiptarë në këto ditë intensive pune dhe të respektojnë rregullat dhe oraret orientuese të përcaktuara.
“Ju vuani një ditë, ne jemi të njëjtët dhe ju shërbejmë çdo ditë! Siç e shikoni po punojmë me orare të zgjatura që të arrijmë t’ju japim shërbimin që meritoni! Kini besim, nga 15 tetori 2020 çdo gjë do jetë siç e keni shpresuar! Kërkojmë thjesht mirëkuptim nga ata që do vijnë në ditët në vijim dhe të respektoni rregullat dhe oraret orientuese që kemi caktuar” mbyllet postimi.
