Bashkëkryetarja e Komisionit për Reformën Zgjedhore Rudina Hajdari ka treguar në emisionin Opinion detaje nga 9 orë takim në rezidencën e ambasadës amerikane.Hajdari tha se tashmë ka rënë kushti i opozitës për qeveri kujdestare ka rënë, ndërsa shtoi se është dakordësuar të bëhet identifikimi biometrik në të gjithë vendin. Ajo theksoi se vazhdon të jetë problem depolitizimi i administratës zgjedhore, por edhe implementimi i teknologjisë në zgjedhje.
“Diku nga ora 12:00 në mesditë kemi hyrë në rezidencë. Yuri Kim ka qëndruar aty deri në momentin e fundit. Jemi në mes të një negociate dhe kam dashur të jem transparent. Administrata zgjedhore ishte problem kyç, PD kërkon depolitizim të pjesshëm ndërsa mazhoranca është për të plotë. Sa i përket teknologjisë ata e morën këtë të drejtë. Për sistemin unë insistova. Nesër ne do të takohemi sërish. Qeveria kujdestare ka rënë. Identifikimi biometrik do të bëhet në të gjithë vendin. Kanë rënë dakord. Ambasada e ka organizuar të gjithë bisedën, pasi ata nuk tolerojnë të bëhen deklarata politike. Jam munduar që në çdo pikë të gjej konsesus”, tha Hajdari.
