Ministri i Mbrojtjes Niko Peleshi ka veçuar disa nga momentet më pikante të stërvitjes “Defender 21” një javë më parë në Tiranë ku prezentë ishin presidenti Ilir Meta, kryeministri Edi Rama dhe ambasadorja e SHBA në Shqipëri Yuri Kim.
E pranishme në ceremoninë e ditës së hapur, ka qenë edhe vajza e ministrit të Mbrojtjes Niko Peleshi, Aleksia Peleshi, e cila ka preferuar të qëndrojë larg vëmendjes së së kamerave, ndonëse është një emër mjaft i komentuar në median rozë.
Trupat ushtarake inskenojnë edhe një atentat që i bëhet një zyrtari të veshur me kostum, ndërsa ushtarakët përgjigjen duke qëlluar me armë zjarri dhe e shoqërojnë atë për në makinë.
Kamerat kanë kapur edhe shtrëngimin e duarve mes kreut të qeverisë Edi Rama dhe ambasadores Kim, si dhe presidentin Meta i cili ka parë deri në fund episodet e stërvitjes.
