Familjet në nevojë tashmë kanë mundësinë të bëjnë analizat falas. Kjo gjë është mundësuar nga një bashkëpunim mes fondacionit “Fundjavë Ndryshe” dhe klinikës “Intermedica”. Lajmin e ka bërë të ditur drejtuesi i fondacionit, Arbër Hajdari nëpërmjet një postimi në rrjete sociale.

Teksa Hajdari bën me dije se kushdo mund të shkruajë në adresën elektronike [email protected] , familjet më pas do të verifikohen nga stafi në terren i fondacionit.

Pjesa më e madhe e anëtarëve të familjeve ne nevojë nuk kanë shkuar asnjëherë për të bërë kontrolle mjekësore. Kjo për shkak të pamundësisë ekonomike që të paguajnë për kryerjen e analizave. Ndaj edhe një mundësi e tillë, veçse jetike për shëndetin e tyre është edhe shumë domethënëse.

Ndaj edhe misioni i “Fundjavë Ndryshe” është përkujdesja e plotë për gjithë familjet në nevojë.
“Bamirësia nuk të varfëron”!