Lokali i Andit “Cataleya”, ish-konkurentit të Për’puthen është mbyllur mbrëmjen e djeshme dhe policia e ka rrethuar me shirita, “ mos kalo”. Bëhet me dije se autoritetet kanë gjobitur dhe kanë bllokuar mbrëmë dy aktivitete, përfshirë “Enduro Albania. Muzika e lartë në këto klube ka tërhequr vëmendjen e policisë, e cila përpost gjobës 10 milionë lekë të vjetra i ka pezulluar aktivitetin.
Për Andin kjo është një “tjetër goditje” pas skandaleve që dolën nga emisioni i njohur i dashurisë, lidhur me trekëndëshin Andi, Tea, Beart. Kryeministri Rama vetë sot foli lidhur me këtë problematikë, teksa tha se ka klube nate brenda të cilave Covid kërcen bashkë me muzikën. Në një konferencë për media nga Kryeministria, Rama tha se është e patolerueshme që lokale luksoze në mes të Tiranës shndërrohen në vatra të infektimeve. Ai i bëri thirrje bizneseve të zbatojnë masat që ka vendosur qeveria.
