Një ngjarje aspak e zakontë ka ndodhur në Korenë e Jugut. Një anije mallrash ruse ka goditur urën që lidh trafikun rrugor në Busan, në Korenë e Jugut.
Anija me peshë 5.998 ton goditi urën Gwangan, pasi kapiteni i anijes ishte në gjendje të dehur dhe e kishte humbur kontrollin e anijes.
Në momentin e goditjes shumë makina kanë qenë duke lëvizur sipër urës. Për fat të mirë nuk është raportuar për asnjë dëmtim apo aksident të rëndë.
Pamjet që kanë kapur kamerat janë më të vërtet të frikshme, ku një tragjedi e vërtetë mund të kishte ndodhur brenda pak sekondash nga përdorimi i tepërt i alkoolit nga kapiteni i anijes gjigande.
