Pesëmbëdhjetë persona janë arrestuar gjatë një operacioni të zhvilluar në tre shtete kundër kontrabandimit të emigrantëve drejt Anglisë. Shumica e të arrestuarve janë shqiptarë.
Në një hotel në qytetin Gent të Belgjikës u gjetën 37 emigrantë shqiptarë, të cilët ishin në pritje për të kaluar më pas ilegalisht drejt Britanisë së Madhe.
Drejtuesi i këtij rrjeti është një 29-vjeçar shqiptar, i cili është arrestuar, raporton BBC.
Dymbëdhjetë nga 15 të arrestuarit në total janë kapur në Belgjikë, 2 në Angli dhe një në Gjermani. Hetimi është drejtuar nga autoritetet belge në bashkëpunim edhe me ato britanike.
Dy shqiptarët e arrestuar në Angli, konkretisht në Londër, janë Admir Canaj 38 vjeç dhe Astrit Ramoshi 37 vjeç. Këta të dy ishin përgjegjës për kontrabandimin e emigrantëve në Mbretërinë e Bashkuar. Ndërsa emrat e të arrestuarve në Belgjikë dhe Gjermani nuk janë bërë publik.
Emigrantët, që kryesisht janë shqiptarë, paguanin deri në 15 mijë Euro. Grupi kriminal që i kontrabandonte, përdortë një hotel në qytetin belg Gent për t’i strehuar emigrantët përkohësisht, si një zonë tranziti. Më pas, ata do të fshiheshin brenda disa kamionëve transportues me destinacion Britaninë. /tvklan.al
