Ardian Çapja i plāgosur një ditë më parë ndodhet në spitalin e Traumës në Tiranë, ku vijon të jetë nën kujdesin e mjekëve pasi rreziku për jetën duket se akoma nuk ka kaluar. 50-vjeçari u plāgos me snajper nga një distancë prej 250 metër, ai ka marrë një plumb në shpatullën e majtë, shumë pranë zemrës ndërsa ndodhet në spitalin e Traumës.
Abc News bën të ditur se plumbi është tejshpues, që ka kaluar nga shpatulla e majtë në pjesën e përparme, ka kaluar vetëm një milimetër larg zemrës, por nuk ka depërtuar në shumë vena, dhe pse akoma gjendja e tij është e rëndë dhe nuk mund të thuhet nëse 50 vjeçari e ka kaluar rrezikun për jetën. Ndërkohë policia vijon që të jetë në qytetin e Elbasanit dhe vijon që të mbledhë prova në lidhje dhe në bazë të një dëshmie të një të mituri rezulton se një 8 vjeçar e ka parë makinën që është larguar me tre persona. Ngjarja ka ndodhur ditën e djeshme në Elbasan ku pas një ātentati në lagjen Krastë është plāgosur Ardian Çapja, i cili fillimisht është paraqitur në spitalin e Elbasanit, por më pas është transportuar në Tiranë për një ndihmë të specializuar mjekësore.
