Federata e Futbollit e Argjentinës (AFA) ka konfirmuar se ekipi i saj kombëtar do të marrë pjesë në Kupën e Amerikës në Brazil, e cila do të nisë më 13 qershor. Njoftimi i shtëpisë së futbollit argjentinas erdhi midis polemikave të mëdha për atë se a duhet të mbahet ky turne në Brazil, vendin e goditur fort nga pandemia e koronavirusit.
Kapitenët e ekipeve kombëtare pjesëmarrëse në këtë turne biseduan për ta bojkotuar Kupën e Amerikës në Brazil. Skuadra e Argjentinës nuk është deklaruar haptazi kundër mbajtjes së turneut, por një gjë të tillë e kanë bërë lojtarët e kombëtareve të tjera, si Casemiro i Brazilit, Luis Suarez dhe Juan Cuadrado nga Uruguai.
Në një komunikatë për media të dielën, AFA-ja njoftoi se ekipi i saj kombëtar do të marrë pjesë në Kupën e Amerikës 2021. “Argjentina e konfirmon pjesëmarrjen në Kupën e Amerikës 2021, duke e pasqyruar shpirtin sportiv që e ka pasur ekipi gjatë historisë së vet”, thuhet në komunikatën për media.mKupa e Amerikës nis më 13 qershor dhe mbaron më 10 korrik.
