Policia e Tiranes ka goditur nje skeme k riminale me te cilen dy gra aplikonin per kredi ne emer te qytetareve duke i futur ata ne borxhe te konsiderueshme. Burime te policise bejne me dije se gjate operacionit te koduar me emrin “Elektro” u arrestua infermierja Elisabeta Bardhollari, 39 vjece, punonjese e Psikiatrise.
Ajo akuzohet se ka perdorur kartat e identitetit te qytetareve qe shkonin aty per te marre sherbim, per t`ja dhene shtetases Orjada Hoxha, 32 vjece, punonjese e dyqanit te elektro-shtëpiakeve ‘Gotech’ në zonën e Porcelanit ne Tirane. Pasi merrte emrin dhe mbiemrin e qytetareve se bashku me numrin e kartes dhe datelindjen, shtetasja Arjada Hoxha aplikonte për kredi online tek ‘IuteCredit’.
Dyshohet se shumat e kredituara jane perfituar nga infermierja dhe punonjesja e dyqanit “Gotech” nderkohe qe nje muaj pas vjedhjes, qytetaret telefonoheshin nga IuteCredit dhe u kerkohej te fillonin pagesen e kesteve te kredise.
Lajmi eshte konfirmuar diten e sotme edhe permes nje deklarate zyrtare nga policia e Tiranes e cila publikohet me poshte: Finalizohet nga Seksioni i Krimit Ekonomik dhe Financiar operacioni policor i koduar “Elektro”.
Iu vidhte kartat e identitetit pacientëve në spital, për t’i përdorur për kredi, vihet në pranga infermierja. Në pranga edhe shitësja e një dyqani, e cila merte kredi në emër të pacientëve, për të blerë pajisje në dyqanin ku punonte.
Sekuestrohen pajisje të ndryshme elektroshtëpiake, me vlerë rreth 40.000.000 lekë.
Seksioni për Hetimin e Krimit Ekonomik dhe Financiar në DVP Tiranë ka zhvilluar dhe finalizuar operacionin policor të koduar “Elektro”, në kuadër të të cilit u bë ndalimi i shtetaseve:
E. B., 39 vjeçe dhe O. H., 32 vjeçe, të dyja banuese në Tiranë.
Gjithashtu u procedua penalisht shtetasi A. H.
Nga hetimet ka rezultuar se shtetasja E. B., e punësuar si infermiere në spital, vidhte kartat e identitetit të pacientëve që shkonin për mjekim dhe më pas ia jepte shtetases O. H., e cila punonte si shitëse në një subjekt privat që tregtonte pajisje elektroshtëpiake Shtetasja O.H. i përdorte kartat e identitetit për të marrë kredi, me qëllim për të blerë pajisje të ndryshme në dyqanin ku punonte, të cilat transportoheshin nga shtetasi A. H. dhe më pas i shisnin në bashkëpunim me njëri-tjetrin.
Po punohet për identifikimin e personave të tjerë të përfshirë në këtë skemë mashtrimi dhe vënien e tyre para drejtësisë. Materialet i kaluan Prokurorisë pranë Gjykatës së Shkallës së Parë Tiranë, për veprime të metejshme hetimore.
