DVP Vlorë Specialistët për Hetimin e Krimeve të Komisariatit të Policisë Himarë referuan materialet në Prokurori dhe nisi procedimin në gjendje të lirë për shtetasen I. M., 25 vjeçe, pasi ka bërë kallëzim ish-bashkëshorti i 25-vjeçares, se kjo shtetase ka marrë 2 fëmijët e mitur dhe është larguar.
Nga Specialistët e Qarkullimit Rrugor të Komisariatit të Policisë Sarandë u arrestua në flagrancë shtetasi E. M., 24 vjeç, banues në Sarandë, pasi ditën e djeshme, duke drejtuar automjetin, është përfshirë në një aksident rrugor me një motomjet, drejtuesi dhe pasagjeri i të cilit, ndodhen në Spitalin e Traumës, për ndihmë mjekësore. Materialet iu referuan Prokurorisë, për veprime të mëtejshme.
