Policia e Fierit ka arrestuar një 25-vjeçare, pasi është kapur duke drejtuar makinën në gjendje të dehur dhe pa leje drejtimi. Në pranga ka rënë e reja B. M., 25 vjeçe, banuese në Fier, pasi është kapur nga shërbimet e Policisë duke drejtuar automjetin tip “BMW” në gjendje të d ehur dhe pa leje drejtimi.

Ndërkohë, në vijim të punës hetimore për zbulimin dhe vënien përpara përgjegjësisë ligjore të autorëve të zjarrvënieve të qëllimshme apo nga pakujdesia, specialistët për Hetimin e Krimeve në Komisariatin e Policisë Fier proceduan penalisht shtetasin N. U., pasi në fshatin Pojan, duke djegur barëra në tokën e tij, si pasojë flakët e zjarrit kanë dalë jashtë kontrollit dhe janë djegur disa rrënjë ullinj dhe një sipërfaqe me shkurre. Materialet i kaluan Prokurorisë, për veprime të mëtejshme.