Marrëveshja Neymar JR-Barcelona është e kryer. Ylli brazilian është bindur nga projekti i ndërtuar në “Camp Nou”, me spanjollët që kanë arritur të bindin edhe PSG-në për ta lënë të lirë.
Sipas mediave sportive, konkretisht “Le Parisien” marrëveshje për rikthimin e Neymar te Barcelona do konkretizohet sot, ndërsa është bërë në kushtet e 100 milionë euro, plus kartonat e dy lojtarëve, Dembele dhe Ivan Rakitic.
Gjërat janë bërë më të thjeshta për faktin se kroati pranoi të bëhet pjesë e marrëveshjes, duke i dhënë dritën jeshile kalimit të Neymar në La Liga. Kjo do të jetë hera e dytë që 27 vjeçari do të vesh fanellën e Barcelonës.
Fillimisht, ish-ylli i Santos firmosi në vitin 2013, ku qëndroi për 4 vite. Gjatë kësaj periudhe, Neymar u aktivizua në 123 takime, ku shënoi 68 herë. Statistikat, gola për ndeshje janë më të frikshme te PSG. Plot 34 gola të shënuar në 37 takime.
