Dega e Partisë Socialiste në Vlorë zhvilloi asamblenë me fokus angazhimin për zgjedhjet e ardhshme. Në mbledhjen e asamblesë merrnin pjesë deputeti i PS-së, Damian Gjiknuri dhe kryetari i bashkisë së Vlorës, Dritan Leli. Deputetë anëtarë të partisë socialiste etj.
Sipas Gjiknurit, asambleja e Partisë Socialiste të Vlorës pati si fokus kryesor angazhimin për një rezultat rekord në zgjedhjet e ardhshme. “Të bashkuar dhe angazhuar plotësisht për një rezultat rekord elektoral në zgjedhjet e ardhshme parlamentare ku Edi Rama dhe Partia Socialiste do të fitojnë mandatin e tretë të qeverisës”, theksoi Gjiknuri.
Me asamblenë socialiste të Bashkisë së Vlorës. Prezantuam shtabet elektorale në të gjithë territorin e bashkisë dhe ekipin e ri të sekretariatit të partisë. Angazhim maksimal, bashkëbisedim me çdo qytetar e qytetare, për të garantuar fitoren dhe thelluar rezultatin elektoral të Partisë Socialiste në Qarkun e Vlorës në 25 Prill. Vlora, lokomotiva që do ta çojë trenin e Partisë Socialiste drejt mandatit të tretë qeverisës Damian Gjiknuri
