Kryeqyteti i Greqisë, Athina nuk i ka shpëtuar kërcënimeve nga zjarret. Flakët që po djegin Atikën Veriore janë shumë pranë qytetit më të madh të Greqisë dhe e rrezikojnë seriozisht. Ditën e sotme Athina është mbuluar e gjitha nga tymi teksa dhjetëra qytetarë kanë përfunduar në spitale prej problemeve me frymëmarrjen apo mushkëritë.
Vatra më serioze në Greqi ishte ajo në Varibobi e cila dyshohet se filloi nga shpërthimi i një transformatori të energjisë elektrike. Po ashtu temperaturat e larta kanë shfaqur probleme për kryeqytetasit grek pasi termometri prej ditësh shënon rreth 45 gradë Celsius.
Banorët e Varybobi, Greqi po llogarisin dëmet e shkaktuara nga shpërthimi i zjarrit ditën e djeshme, i cili dogji shtëpitë dhe makinat e tyre. Sot ata ndodhen në sheshin Varybombi dhe në rrugët përreth.
Në kryqëzimin e rrugëve Chalkidos dhe Chlois, një pjesë e zonës dhe disa shtëpi të rrethuara me pisha u dogjën nga shpërthimi i zjarrit. Fatmirësisht falë zjarrfikëseve dhe vullnetarëve, banorët arritën të shpëtonin.
