Autoritetet amerikane kanë rikthyer një arkivoli të vjedhur në Egjipt, para dy vitesh nga Muzeu Metropolit i Artit në New York City. Arkivoli 2,100 vjeçar i një prifti të quajtur Nedjemankh u paraqit në një ekspozitë artefaktesh strehimi nga Egjipti. Arkivoli i praruar u grabit dhe kontrabandua nga Egjipti në 2011.
“Deri më tani hetimi ynë ka përcaktuar se kjo arkivol është vetëm një nga qindra antikitete të vjedhura nga i njëjti rrjet shumëkombësh i trafikimit,” tha Prokurori i Qarkut në Manhattan Cyrus Vance, cituar nga agjensia e lajmeve Reuters.
Arkivoli, i cili daton nga Shekulli I para Krishtit, u ble nga muzeu prestigjoz për 4 milion dollarë, dhe u dërgua fillimisht në Gjermani, ku u restaurua para se të transportohej në Francë. Zyrtarët thanë se arkivoli i madh dhe i zbukuruar ishte varrosur në rajonin e Minya të vendit për 2,000 vjet para se të vidhej në 2011.
“Kjo nuk është vetëm për Egjiptasit, por kjo është për trashëgiminë tonë të përbashkët njerëzore,” është shprehur, Ministri e Punëve të Jashtme egjiptiane, Sameh Hassan Shoukry.
