Shqiptarët gjithmonë e më shumë po shënojnë suksese të ndryshme nga fusha e sportit. Këtë herë, suksesi vjen nga alpinizmi.
Arianit Nikqi, bashkë me të bijën 17 vjeçare Mrika Nikqi, janë bërë shqiptarët e parë të cilët janë ngjitur në majën më të lartë të kontinentit të shtatë, të Antarktikut, shkruan gazetametro.net
’17 vjeçarja Mrika Nikqi, bëhet shqiptarja e parë në botë që së bashku me babanë e saj Arianit Nikqi, në ekspeditën e radhës , pushtoi majën më të lartë të kontinentit të shtatë , Antarktikut.Me dt.16.12.2018 ,në orën 21,30 ata ngjitën majën Moun Vinson 4892 lmd, në motin e acartë e në të ftohtit ekstrem të kontinentit të akullt’, thuhet në njoftimin në Facebook.
Babë e bijë janë ngjitur në Mount Vinson, në motin e acartë e në të ftohtin ekstrem të këtij kontinent.
Detaje të tjera nga udhëtimi, do të vijnë kur dyshja të arrijnë në kampin bazë.
Kujtojmë se Mrika bashkë me babanë e saj më 29 janar të këtij viti janë ngjitur edhe në majën më të lartë të Afrikës, e njohur si maja e Kilimanxharos
