Kryetari i grupit të PS-së, Taulant Balla ka vizituar sot mencën sociale në Librazhd e cila u garanton ushqim familjeve të varfra. Balla tha se dua ta falenderoi Elvis Naçi dhe Fondacionin “Firdeus” për mbështetjen dhe solidaritetin me këtë projekt bamirësie. “Ne nuk kemi shumë qytetarë nderi në Librazhd dhe një ndër ta të jeni dhe ju sepse nga ky projekt përfitojnë 60-70 veta në ditë”, tha Balla.
Balla shtoi se “kjo është një pjesë e projektit sepse ne kemi rikonstruktuar 135 shtëpi të komunitetit egjiptian dhe jemi në fazën e tretë të projektit. E vërteta është se kanë qenë shtëpia në situatë të vështirë dhe janë rikonstruktuar të gjitha”. Mensa është hapur rreth dy viteve më parë dhe u garanton ushqimin e ngrohtë të shtëpisë shumë familjeve të varfra.Po ashtu fondacioni “Firdeus” po vazhdon edhe me një projekt tjetër, atë të rikonstruksionit të shtëpive për komunitetin egjiptian.
