Kryetari i Partisë Demokratike Lulzim Basha ka reaguar pas largimit nga fusha futbollistit Andi Lila, dje në Kavajë, teksa po zhvillonte një intervistë. Basha shkruan se kjo është një gjë e trupshme dhe se u largua nga fusha vetëm për faktin se Lila është një nga kandidatët për deputetë propozuar nga PD Kavajë!
Postimi i plotë: Kjo është e turpshme dhe kriminale! Sapo përfundova një telefonatë me Andi Lilën, një nga yjet e futbollit shqiptar, të cilit policia i kërkoi të largohej nga fusha e futbollit në qytetin e tij të lindjes në Kavajë, ndërkohë që jepte një intervistë për media. Kjo vetëm për faktin se Lila është një nga kandidatët për deputetë propozuar nga PD Kavajë! Kjo duhet të marrë fund! Askush nuk do të na mbyllë gojën! Në demokraci çdokush ka të drejtë të thotë çfarë të dojë. Ne do ta mbrojmë me forcë këtë të drejtë të fituar me sakrifica dhe nuk do lejojmë që Shqipëria të kthehet sërish në diktaturë.
