Në 23 nëntor, dy vite më parë Bashkia Tiranë miratoi projektin pilot për 4 shkolla të kryeqytetit që do të funksiononin me drekë.
Erion Veliaj 23 nentor 2017: “Fëmijët të vazhdojnë të rrinë në mësim në grupe speciale, t`u ofrohet edhe dreka në shkollë. Është shkolla 9-vjeçare Ardian Klosi ushqimi do të ofrohet falas nga Bashkia Tiranë për të gjithë fëmijët, shkolla në Kombinat Betim Muça, Shkolla Hasan Tahsim dhe Shkolla e Kuqe” Projekti që u detajua deri në menynë që do të konsumonin nxënësit si dhe tarifat që do të paguanin prindërit do të duhej të niste zbatimin që në shkurt të vitit 2018.
Por dy vite nga vendimmarrja rezulton se Bashkia Tiranë nuk ka mbajtur premtimin e dhënë. Në shkollën 9 vjeçare ‘Hasan Tahsim’, bashkia do të mbulonte 50% të ushqimit që do të ofrohej në këtë institucion, ndërsa pjesën tjetër të tarifës përkatësisht 80 lekë në ditë do të duhet ta paguanin prindërit. Në këtë shkollë infrastruktura sipas prindërve është krijuar por fëmijët e marrin ende ushqimin me vete dhe e konsumojnë në klasë, në kushte aspak të përshtatshme.
“Di gjë është mensa, por nuk e di”
“Akoma nuk ka filluar”
“Ne ja japim me vete”
“Nuk është vënë në funksionim”
Ata thonë se nëse ushqimi do të ofrohej nga shkolla do të ishin më të sigurt për atë çfarë konsumonin fëmijët e tyre. “Të kishte dhe një ambient ku të konsumohej ushqimi” Projekti për të ofruar ushqim falas ka mbetur në letër edhe në Shkollën 9-vjeçare “Adrian Klosi” Në këtë shkollë bashkia do të duhej të financonte 100% ushqimin, por edhe pse kanë kaluar dy vite nuk është bërë përpjekja më e vogël për t`i qëndruar premtimit. “Ka dy vjet kjo, nuk është realizuar”
Në 29 janar të vitit të kaluar për llogari të këtij projekti që nuk gjeti kurrë zbatim Qendra Ekonomike e Zhvillimit dhe Edukimit të Fëmijëve Tiranë hapi tenderin për ofrimin e shërbimit katering të ushqimit nëpër shkolla. Fondi limit parashikohej në shumën e 27.5 milionë lekëve./oranews
