Në këtë kuadër, këtë të mërkurë, u zhvillua në sallën e pallatit të kulturës, një aktivitet me interpretime nga aktorët e teatrit Petro Marko, me përzgjedhje prej veprave poetike të autorëve të njohur shqiptar mbi figurën e Ismail Qemalit.
I pranishëm në këtë aktivitet edhe stërnipi i Ismail Qemalit, Nedim Qemal Vlora. Në nisje të këtij aktiviteti, drejtori i Artit dhe Kulturës në BAshkinë e Vlorës, Dhimitraq Furxhi, tha se përkujtimi i Ismail Qemalit në kuadër të 100 vjetorit të vdekjes, është inisiativë e vecantë e kryetarit të bashkisë, Dritan Leli.
Kryetari i Bashkisë së Vlorës, Dritan Leli tha se qëllimi i këtyre aktiviteteve është që të tërhiqet vëmendja nga Vlora, pasi Vlora ka bërë historinë dhe është një qytet që promovon vlera.
Kryebashkiaku Dritan Leli u bënë thirrje qytetarëve që më 24 janar ora 10:00 të bashkohen në sheshin e Flamurit në ceremoninë përkujtimore për 100 vjetorin e vdekjes së Ismail Qemalit.
