Në kuadër të Programit të Këshillit të Evropës Romacted dhe zbatimit të aksionit të emergjencës si përgjigje ndaj pandemisë së COVID 19, u shpërndanë shporta ushqimore, detergjent, dezifektantë dhe maska mbrojtëse për të gjitha familjet nga Komuniteti Rom që janë pjesë e skemës së ndihmës ekonomike në Njësitë Administrative Novoselë dhe Shushicë të Bashkisë Vlorë.
Falë takimeve të përhershme në terren dhe punës referuar projektit të Këshillit të Evropës Romacted, ekipi i task forcës i Bashkisë Vlorë analizoi nevojat e këtij komuniteti duke iu ardhur në ndihmë edhe 14 familjeve të tjera të cilat jetojnë në kushte jo te mira infrastrukturore dhe ekonimike. Si rrjedhojë e pandemisë situata e këtij komuniteti është përkeqësuar. Keshtu , 54 familje në total nga Komuniteti Rom në Njësinë Administrative Nevoselë dhe Shushicë u bënë pjesë e këtij aksioni solidariteti.
