Familjet belge do të jenë në gjendje të zgjerojnë rrethin e tyre, duke u lejuar të përfshijnë katër persona jashtë shtëpisë së tyre që nga 10 maji. Këta njerëz duhet të jenë të njëjtët katër persona dhe duhet të shoqërohen brenda kufijve të shtëpisë.

Qytetarët janë këshilluar që të socializohen jashtë nëse kanë kopsht apo tarracë, bëri me dije kryeministrja belge Sophie Wilmès në një konferencë për shtyp në Bruksel, shkruan CNN, transmeton lajmi.net.

Wilmès gjithashtu tha që shitësit me pakicë në Belgjikë mund të rihapin dyert e tyre, duke filluar nga data 11 maj. Kohëzgjatja e qëndrimit të klientëve në dyqane do jetë maksimalisht 30 minuta. Kryeministrja tha se belgët duhet të blejnë vetë ushqime, por mund të shoqërohen nga fëmijë nën moshën 18 vjeç.

Ata që kanë nevojë për ndihmë mund të shoqërohen edhe nga të rriturit. Të gjitha ngjarjet sportive në vend janë pezulluar deri në 11 korrik. Shkollat, restorantet dhe baret do të qëndrojnë të mbyllura deri në një periudhë të pacaktuar, shtoi e para e legjislativit.