Një aksident i rëndë ka ndodhur ditën e sotme në kryeqytet, ku një automjet ka përplasur një kalimtar në rrugën “Xhanfize Keko”. Aksidenti ka ndodhur pranë vijave të bardha, ndërsa i plagosuri është rreth 50 vjeç. Në vendngjarje ka mbërritur autoambulanca e cila kë dërguar drejt spitalit të plagosurin, ndërkohë që nuk dihet gjendja e tij. Policia ka shoqëruar drejtuesin e mjetit tip “Benz”, ndërsa ka nisur hetimet për zbardhjen e plotë të shkaqeve të këtij aksidenti.
Njoftimi i plotë i policisë: Tiranë/Informacion paraprak Me datë 05.11.2020, rreth orës 15:15, tek kryqëzimi i Vorrit të Bomit, mjeti me drejtues shtetasin I.G., ka aksidentuar këmbësorin shtetasin E.B., 65 vjeç, i cili ndodhet në spital, jashtë rrezikut për jetën. Drejtuesi i mjetit ndodhet në vendngjarje. Grupi hetimor dhe sherbimet e Policisë vijojnë punën për sqarimin e rrethanave të ngjarjes.
