Përfaqësuesja e Shqipërisë në Eurovision, Anxhela Peristeri në njërën performancë të saj në skenë bëri shqiponjën dy krenare me duar dhe nxiti reagime nga mediat serbe.
Madje veprimin e këngëtares shqiptare e kanë konsideruar si skandal dhe provokim të turpshëm. “Skandal në Eurovision: Simboli i Shqipërisë së madhe, një provokim i turpshëm para gazetarëve”, ishte titulli i njërës prej mediave serbe.
Mirëpo, ndaj këtij artikulli ka reaguar i revoltuar edhe producenti, Ardit Gjebrea duke i konsideruar si të sëmurë mendorë. Ai ka publikuar si foto artikullin e mediumit në story-m e tij në Instagram dhe ka shkruar: “Përfundimisht, këta janë të sëmurë mendorë”.
