Bindja Demokratike ka prezantuar kandidatët e saj për Qarkun e Shkodrës. Koordinatori i Bindjes Demokratike Astrit Patozi prezantoi Tonin Uldedaj si kryesues të listës, ndërsa tha se synon marrjen e një mandati në këtë qark. Patozi tha se tek kjo forcë politike, mandatin do ta marrë ai që ka edhe një votë më shumë se kandidati tjetër dhe kjo është një risi. Sipas Astrit Patozit, nuk ka qenë rastësi që diktatura u shkund 30 vite më parë nga protestat në Shkodër dhe në Kavajë, dhe sipas tij, Shqipëria ka nevojë sërish për një rishkundje.