Në konferencën përballë gazetarëve të mbajtur sot në Kryeministri, Rama theksoi se biznesi i vogël deri më 2029 do të ketë zero taksë.
“Nëse ju ju rezulton që nga viti 2014-2019, të pasurit përfshirë edhe këta që këta i quajnë paturpësisht oligarkë, që nuk janë oligarkë sepse nuk ka një të pasur në këtë vend që të diktojë një vendim të vetëm të qeverisë, pra nëse rezulton që nuk kanë paguar taksa më shumë seç kanë paguar në 8 vitet kur këta drejtonin, atëherë bëjeni publike.
Ndërkohë që shifrat thonë se në vitin 2014, në e kemi përgjysmuar taksën për biznesin e vogël dhe kemi rritur taksën për biznesin e madh. E kishin 10% të dy palët, si 15-katëshi, si furra e bukës aty poshtë tek këmbët e 15-Katëshit paguanin 10%, por 10% i furrës së bukës është më shumë në xhepin e asaj familje sesa 10% në arkën e 15-Katëshit për sipërmarrjen.
Nga ana tjetër, u bë 15% për 15-Katëshin dhe 5 për furrën e bukës. Sot dhe nesër dhe deri në 2029 do të jetë zero për furrën e bukës ndërsa për 15-Katëshin nuk e di çfarë do të ndodhë në 2029 por di që nuk do të ndryshojë sot po të jetë 15%, prandaj ne nuk do ta ulim taksën për biznesin e madh, ne nuk ofrojmë për sipërmarrjet e mëdha ulje takse. Ne atyre u kërkojmë të bëjnë atë që kanë për detyrë, të kontribuojnë më shumë, sepse fitojnë më shumë”, tha Rama.
