Dy markat e njohur të veturave, BMW dhe Mercedes-Benz, kanë replikuar në mes vete në ditën kur është mbajtur ‘Halloween’ nëpër botë. BMW dhe Mercedes njihen për luftën e tyre komerciale, e cila shpesh sa ka qenë e ashpër, ka qenë edhe e këndshme për fansat e këtyre markave. Në publikimet e fundit të tyre në Twitter, këto dy marka kanë bërë shaka me njëra tjetrën për ‘Halloween’.
BMW është e para që ka thumbuar Mercedes’in, me anë të një fotografie ku shihet një veturë e këtyre të fundit, dhe dke u mbuluar me një fotografi të BMW’së. Në këtë fotografi BMW në profilin e saj zyrtar ka shkruar: “Tani çdo veturë mund të vishet si super heroi i tyre”. I menjëhershëm ka qenë reagimi i Mercedes, ku e ka tallur tej mase këtë model të rivalit të tyre.
“Është një kostum vërtetë i frikshëm! Veçanërishtë grilat e radiatorit”, ka shkruar Mercedes në replikën e saj. Grilat e përparme të BMW’së ishin më të kriktuarat nga fansat dhe duket se Mercedes e ka gjetur pikën e dobët se ku ta godas BMW’në në përgjigjen e saj.
