Ambasadori i OSBE-së në Shqipëri Bernd Borchardt mësohet se sapo është larguar nga tryeza ku po diskutohej mbi Reformën Zgjedhore. Sipas burimeve të “Shekulli”-t ai po niset drejt aeroportit, për të udhëtuar drejt Vjenës ku pritet të raportojë në qendrën e OSBE-së. Ambasadori i OSBE u shfaq sot në shoqërinë e disa truprojave, ndërsa po i drejtohej hotelit ku zhvillohej mbledhja me temë “Financimi i partive politike në fushatë zgjedhore”.
Kujtojmë që dje Bernd Borchardt u shpall “non grata” nga presidenti i vendit Ilir Meta. Borchardt nuk dha asnjë koment lidhur me këtë vendim duke u kërkuar gazetarëve që ta lënë të qetë. Presidenti Meta e argumentoi vendimin e tij me faktin që Borchardt vuri në diskutim dekretin e tij për anulimin e zgjedhjes, dhe për gjestin e pahijshëm ku u tregoi gishtin e mesit disa protestuesve.
