Burime nga Presidenca bëjnë me dije se sot në 14:30, presidenti Meta do të dorëzojë zyrtarisht padinë kundër kreut të Këshillit të Emërimeve në Drejtësi, Ardian Dvorani. Kujtojmë që të premten në një konferencë për mediat, Meta tha se padia bëhet për akuzat e “shpërdorimit të detyrës” dhe “përvetësim titulli apo detyre shtetërore”.
“Janë konstatuar disa shkelje përgjatë ushtrimit të detyrës nga kryetari Ardian Dvorani, që kapërcejnë kufijtë e shkeljes disiplinore, por hyjnë në karakterin që është e detyrueshme nisja e procedimit penal”, tha presidenti. Kreu i shtetit theksoi se: “Ai me dashje ka shpërdoruar funksionin publik dhe ka marrë përsipër të realizojë një akt mafioz”. Padia vjen në një kohë kur presidenti priti në një takim në presidencë kreun e PD-së Basha dhe krerët e tjerë të partive jashtë Parlamentit.
