Familja Shuti, në Brenog të Hasit, në banesën e së cilës u gjet laboratori i heroinës, është gjunjëzuar ekonomikisht.
Më i moshuari i shtëpisë, Mustafa Shuti, mezi qëndron në këmbë, ndërkohë që frymëmarrja i është përkeqësuar pëe shkak se vuan nga një sëmundje e rëndë.
Bashkëshortja e tij, e paralizuar në shtrat, ndërsa Anila, e cila më parë punonte si edukatore, tani është e papunë.
Kjo e fundit dhe Mustafa Shuti janë duke vuajtur masën e arrestit shtëpiak.
Xhaviti, bashkëshorti i Anilës ndodhet në burg, ndërsa tre fëmijët dalin vetëm nga shtëpia për në shkollë.
Gazetari: A mund ta përballoni këtë situatë?
Shuti: “Unë jo, jam i sëmurë”.
Gazetari: A mund të pajtoheni?
“Nuk pajtohem se ka qenë qëllimisht, në dijeni jo. Më tha ma lësho një dhomë, ia lëshova bëra një firmosje kontrate dhe ka ik në punë të vet. Se kush erdhi në kët botë”, tha Shuti për abcnews.
Kujtojmë këtu se mbrëmjen e 19 tetorit, policia gjeti në banesën e familjes Shutinë Brenog të Hasit një laborator heroine, 182,5 kg morfinë, 22 përbërës për heroinë.
Në lidhje me këtë ngjarje, gjykata ka lënë në burg Xhavit Shutin, Flamur Bishondhe Vehbi Barushin.
Ndërkohë për më të moshuarin e familjes, Mustafa Shutin dhe bashkëshorten e Xhavitit, Anilën, gjykata ka vendosur masën e sigurisë “arrest shtëpiak”.
