Kryeqyteti grek Athina ka kaluar një natë të trazuar pas një sërë episodesh dhune që nisën pasditen e djeshme. Plot 19 persona janë arrestuar, ndërsa të tjerë janë shoqëruar për verifikime.
Episodet e dhunës kanë nisur pas zhvillimit të një demonstrate paqësore për 45-vjetorin e kryengritjes studentore të Politeknikumit kundër diktaturës greke të Juntas.
Episodet e dhunës kanë nisur gjatë kësaj demonstrate, dhe protestuesit kanë qëlluar me gurë, por nuk kanë munguar as molotov apo përdorimi i armëve të ftohta, shkruan Protothema.gr
Përplasja mes qeverisë dhe protestuesve ka zgjatur për 6 orë dhe ka nisur në qendër të Athinës në Eksarhia dhe më pas të tjera episode dhune janë regjistruar në Selanik, Iraklio Kretë por edhe të tjera qytete të vendit.
